Bilibala

Billy 一個喜歡每日多讀一點聖經, 神學未有耐畢業的讀經人,喪食"雜糧"的書蟲,自成一格的詞人 + 口水佬.
身在加拿大多倫多,自以為炒股勁過不少財經演員的投資人,日頭兼職做會計師, 為某銀行的國際業務做分析.

Re: 時代論壇 – 基督教與素食(二)有歷史文獻支持耶穌是素食者嗎

事實上,一個可靠的歷史證據是需要經過重重驗證的,例如碳十二檢驗、書卷紙張、油墨檢驗,以至包括書卷的撰寫年代、作者、寫作目的、寫作對象、背景、風格鑽研等等……是以,若果第三者連確認有關文件是否存在亦無法做到,那,縱使筆者個人為素食倡議者,筆者也必須承認在無法驗證《艾賽尼派的平安福音》真偽及其他種種資料之前,此書卷並不能作為證據支持耶穌是素食者或提倡素食者。然而,原來確實有歷史文獻記述耶穌為素食者,篇幅關係,下文再作介紹。

我讀得歷史文獻少,但我知道年年逾越節, 至少果日猶太人要食羊扒(耶穌除左被釘果次冇份食,因為已經釘左),佢顯現果陣又食魚(約21),所以我唔知這研究有幾資深,那歷史文獻有幾珍貴, 如果佢真, 咁聖經一定錯.

如果佢真, 反耶穌的宗教領袖唔洗屈耶穌, 講大半日都冇証據告死佢.

告佢唔守節就可用石頭整死佢啦. (民 9:11-13)

除非基本冇耶穌呢個人, 又或者佢根本冇釘十架, 不然耶穌很難作一素食主義者而不被秒殺.

當然,你亦可以話, 素食主義者唔一定絕不能肉食,但我亦可以從歷史角度話,在耶穌時代, 除左大戶人家,有邊個平時唔係”被素食”架!

人子係邊個?

咪果個狐狸有洞,飛鳥有窩,但人子連枕首的地方也沒有既廢青 lor. 仲經常被人笑罵佢,去罪人同稅吏家呃飲呃食,大魚大肉 (太 11:19,貪食好酒, 唔通耶穌貪的是 pizza 乞的任擺 salad bar? 玩呢類層層踏天國仲勁過強國?) . 如果這些對耶穌既指指點點係真, 那耶穌就係當日云云”被素食”者之中, 最唔乖果個.

article-2380783-1B0D32C4000005DC-960_634x815

利申:我唔係素食主義者. 亦唔覺呢個係聖經所關注既重點, 但戴頭盔講,任何考古歷史文獻,我覺得就算唔準又或同我地相信既有出入,仍然值得花時間研究同反思. 我唔認同係一件事,但有人花功夫研究同分享,係值得鼓勵.

另外補充一點, 作者在文中其實也提及”此書卷並不能作為證據支持耶穌是素食者或提倡素食者”, 而”然而,原來確實有歷史文獻記述耶穌為素食者”,但由於”篇幅關係,下文再作介紹”. 所以,作者也明顯研究和考慮過支持和反對,聖經立場等因素. 我在她仍未登出第三篇之前就寫文分享想法, 也許會令人誤會作者查找不足,請見諒. .

寫作手法比較輕浮乃風格也,得罪唔好唔開心太耐

留下回應

贊助連結
marksir 聖經考古

 

 

精選文章