Pakkin Leung

Pakkin。《Breakazine!》前總編輯,blogger。入行做編輯時,仍是用rubber cement貼稿的年代。歷任書籍編輯、網站監製、雜誌編輯等職務。愛看書,愛攝影,愛動漫。

逼迫,要預咗──廣東話意譯〈馬太福音〉10:16-25

【前言】
是噉的,近來有本怪書仔,叫《耶教能人》,一聽個名就知道怪。基本上,本刊物由試玩下到真係做,我都有畀過意見,仲課埋金供埋稿,支持下(有興趣了解下甚或課下金嘅朋友,可以去他們的Facebook專頁看看)。至於幕後班底嘛,你知啦,方丈份人好小器,都係唔講噉多喇,只能夠講,咪睇佢哋嘻嘻哈哈,其實對信仰好有承擔。至於一月出版這一期,本來唔係噉遲出,但香港地,日頭做到啤啤骷,副業嘅嘢,遲咗都係好能理解。我交稿時,佔領街道只係過咗一個月多少少,打人仍在暗角,尚未明目張膽(我有好些朋友講番各自的經歷,好多真係好離譜);但我讀聖經,讀新約,愈讀愈感覺到時代的張力。人性,幾千年來未變過;新約好多描述,今天歷歷在目。於是,就寫下這一篇。
 
BTW,前幾日有機會見到教會更新運動的胡志偉牧師,冷不防他問到:仲有冇譯聖經呀?噢噢,當下真係受寵若驚,沾沾咗兩秒,冇諗過牧師你都有追啊。我當時答,係有嘅,不過太忙,譯少咗,近期有一篇未出過嘅,放咗喺《耶教能人》。OK,here we go,請多多指教。

JesusAble02

這一個多月,時間被壓縮至扭曲。回想起學生開始罷課那天,短短四、五十日,感覺經年。這段日子,最深的感受是鬱結,很難摸得出能豁然開朗的道路。不同背景的新聞報道,像身處平行時空,同一個場景,各有各強調,如非曾多次去到現場觀察記錄,認知的落差只怕更大。

很多人說,這場佔領運動撕裂社會,破壞家人關係,擾亂社會和諧。老實講,冰凍三尺非一日之寒,就算把帳都算進「讓愛與和平佔領中環」,這程度的撕裂又怎可能靠一年半載的推動能造成?在這十多年間,因為「首屈一指」的貧富懸殊、因為諮詢機制和議會機制不暢通、因為下情不能上達,撕裂一早已經發生。

就像,剛剛第三條跑道的環評報告通過了,但諮詢期明明收到二萬個反對,連前天文台台長林超英都不斷質疑,到底我們搞的是什麼諮詢?你想想平時食午飯要幾錢?你想想GDP不斷創新高的同時,你的工資水平有沒有同步增長?增長的倒是你在依食住行的基本支出!那些增加了的生產總值,到底袋進了誰的口袋?你其實都知道生活好艱難。但你同時見到,廉價食肆不斷被取代,到底我們的公共政策要如何保障收入低於入息中位數14,000元以下的人?金鐘一帶的佔領者,有超過八成人擁有副學士以上學歷,在正常社會中這些人理應最先受惠於社會的升軌,何以他們竟落得受人如此辱罵的田地?我們在批評堵路的不方便之前,又曾做過多少事去修補這些撕裂呢?

撕裂,是指向一個平行宇宙。有人憂柴憂米捉襟見肘,然而同時有人大魚大肉一擲千金。雖然受苦的人跑出馬路,日日篤眼篤鼻;我們很多人卻仍一切如常,早已被安穩的生活收買,眼睛看不見人的受苦,不問病源只求自己生活無憂。這實在是正常的瘋狂。

有人說,這場運動,帶來的是回不了頭的政治覺醒;但我仍是悲觀。絕大部分人仍是炒股炒樓醉生夢死,不斷超支的工程仍是一批再批,三堆一爐仍然壓過對回收業的支持,和當局同調的民間暴力仍然不斷以放生作為鼓勵⋯⋯這亂世,還要忍耐多久呢?

面對從混沌而來的焦躁,聖言的秩序總是帶來穩妥。近來讀得最多的,是新約的書卷和那個時代。那些如同雲彩的見證人既然也是如此走過,聖徒相通,我們在主裡並不孤單。

【馬太福音10章16-25節】
廣東話意譯本(參RSVThe Message
 
將來嘅逼迫
「我叫你哋出去,簡直係送羊入虎口;所以你哋要好似蛇噉醒目識得走位,好似白鴿噉溫馴唔好硬碰。你哋要醒目尐;因為佢哋會捉晒你哋返去,當眾打鑊,暗角都慳番,打到爆缸唔夠皮,仲要拉去畀阿爺審餐飽,又勞改又精神虐待。上到庭,唔使預先諗住要講乜。到時候,你要講乜,自自然然就會講得出;因為你天父嘅靈會喺你心裡面,幫你我口講我心。到嗰時,兄弟會送兄弟去死,老竇會送仔女去死;仔女又會六親不認,批鬥老竇老母逼死佢哋;尐人一知道你係跟我耶穌嘅,就對住你黑口黑面藐嘴藐舌鬧到你仆街。忍住呀兄弟,邊個忍到尾邊個就贏。尐人清你場,你就走去第二度再佔過囉。老實講,你未畀人趕絕之前,場波已經打完仲要贏埋添啦。你哋跟得我,就預咗會同我一樣,好似過街老鼠噉畀人喊打喊殺。連你老頂我都畀人話係靠外國勢力,你哋又點會走得甩呢?」

基督徒常說自己是跟隨主的人,但主耶穌基督走過的是什麼道路?我們到底有沒有看清楚?我們會不會是有點大言不慚?就像那個曾係威係勢的彼得一樣,看著耶穌被捕,在雞啼以先三次不認主?

幸好,上主的手沒有離開,天國的大門沒有關上,彼得仍有機會回轉。

願我們在耶穌基督的恩典和體諒中,學習誓死跟隨。

Pakkin
http://pakkin.blogspot.hk/

留下回應

贊助連結
龔立人 - 在暗角言說上主

 

 

精選文章