Pakkin Leung

Pakkin。《Breakazine!》前總編輯,blogger。入行做編輯時,仍是用rubber cement貼稿的年代。歷任書籍編輯、網站監製、雜誌編輯等職務。愛看書,愛攝影,愛動漫。

著好軍裝,打場靚仗──廣東話意譯〈以弗所書〉6:10-20

IMG_0717_a

朝早同事帶敬拜,提到〈以弗所書〉6章,關於穿上全副軍裝那一段。讀經時,忽然那句「執政的、掌權的」,映入眼簾,十分搶眼。

對啊,保羅寫〈以弗所書〉時,他正在被監禁。他不是跟你講一些很虛的所謂屬靈爭戰,不是很宗教地說什麼拆偶像,或者很心理地說上癮沈溺那類「爭戰」,而是在說那些由具體政治操作而來的壓迫。而他的洞見是,這壓迫一方面是政治的,同時也是屬靈的。

這個認知,對今天香港社會的政治經濟環境來說,十分重要。

我翻看了和合本、NIV、The Message對照一下,嘗試用廣東話意譯了這一段,請多多指教。

【以弗所書6:10-20】
廣東話意譯本(參The Message & NIV
 
臨尾我仲有尐嘢想講。神係好堅嘅,佢都想你好堅。你嘅主已經預備好成套軍裝畀你,用料又正,造工又好,你好快趣尐著晒上身。著咗,你就夠硬淨,即使魔鬼用盡方法係咁砌你,你都可以頂得住。其實我哋呢場仗,並唔係血肉廝殺,而係要對抗嗰尐統治者、嗰尐有權有勢嘅、嗰尐撈偏嘅黑勢力、嗰尐邪門嘅牛鬼蛇神。所以真係要著好神畀你嘅呢套軍裝,到呢班奸狗勢力抬頭時,你先至夠力頂得住;一直到佢哋嘅攻擊完晒,你仍然可以企硬到最尾。
 
呢副軍裝真係好堅,你要企硬撐住。你條腰帶係用真理造嘅,縛得穩陣唔怕甩褲;件防彈衣係用公義造嘅,義字當頭,包保唔怕畀人篤背脊;你對靴係用平安嘅福音造,話行就行一著就得。唔單止咁,你仲有塊好靠得住嘅盾牌,信心保證,火箭射埋蒞都冇有怕。至於個頭,扑中嘅話就死得人,所以呢個頭盔一定要戴,實救到你。而武器方面,你會有一把聖靈寶劍,用料係神嘅說話。至於呢場仗,最關鍵嘅始終係祈禱。祈禱唔好hea祈,要出盡力,唔好畀佢停;睜開雙眼睇到實,士氣唔好畀佢跌,成班戰友一齊衝,一個都不能少。
 
呀仲有,唔好唔記得,為我祈禱,求主畀我知道要講尐乜,講到政治權勢背後其實係打緊一場乜嘢仗(你都知,我依家坐緊監畀人用鎖鏈鎖住),到要講真話嘅時候,夠膽講,唔好怯,畀我能夠照直講──講呢尐,係我應分嘅。

Pakkin
http://pakkin.blogspot.hk/

留下回應

你的電郵地址不會被公開。 * 為必須填寫欄目

你可使用以下HTML標簽及屬性: <a href="" title="" rel=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

留下回應

贊助連結
陳韋安洪麗芳 寫給你心中尚未崩壞的地方

 

 

精選文章