護老風波 (上) 就算是誰漸老也下來?

網上睇到一則令人髮指既新聞，某老人院”職員在露天平台上將部分缺乏自理能力的女住客脫至全裸或半裸，將她們推入室內洗澡，其他護老院住客及院舍所在大樓與周圍大廈樓上居民可以看到。”

報導一出，此老人院即被全城鬧爆，隨後老人院創辦人發言引爆更大公關災難，社署跟進，重案組亦介入，立法會議論紛紛，連689也開聲鳥！

想關心此事的朋友可溜覽以下幾篇報導及在網上搜尋更多:

• 安排老人露天裸體
• 創辦人：都唔係打老人家
• 長者受虐為何不遷出
• 長者宿位不足賴缺地

(冇連結天台浴短片, 因為覺得再看係唔尊重. 你要找亦唔難.)

這個世界太荒謬，學林以諾牧師一句話，”香港點解會變成咁架？好恐怖呀！”

1. 老人院創辦人居然喊冤話，我地除佢衫，冇打佢，又抄左果人，仲有乜問題？點解要被除牌?
2. 長者的家屬考慮到轉老人院時會猶疑，有問題都唔敢投訴. 監管機構怕發現問題要釘牌仲唔知點算
3. 689 一副狼相也會因而流露出致誠懇樣，呵屎橋唔出賴地貴.
4. 政府要拆走東北既老人院亦唔覺有問題. 老人院點夠東北起豪宅咁有經濟效益呀？香港競爭力下降，用光儲備點算？你老人家為下一代(富二代)犧牲下啦!

為何政府會如此殘視長者呢？

為何長者在今時今日成為一嚴重的社會問題呢？

長者 = 問題？

聖經不是說”白髮是老年人的冠冕?”(箴16:31)

不是講過”神以恩典為年歲的冠冕”(詩65:11)?

“人日子如何，力量也如何？”(申 33:25)

難道那些金句都不過是對阿Q的安慰？又或者這些道理在人類由農業社會進步到工業/服務業/資訊科技形神會就早已過時呢？

1. 誠然，人口老化，人比過去長命，但仍然無改許多病痛煎熬(醫學窗明你又唔死得，但又唔能夠回復健康，冇陰公)，所以相對地要更多人同更多時間照顧
2. 人生育減少，家庭結構改變，又由一家三代十幾廿口，變成人人一頭家間中聚下，以致照顧雙親比以前加倍吃力.
3. 人口日多，新移民日多，而土地政策同福利制度又未能跟貼社會改變而作出適切變動. 加上看護人工貴，醫藥費貴，令問題變得亦只會變得越來越嚴重.

中國人係個出名孝道既民族，百行以孝為先. 聖經十誡亦有講，”當孝敬父母”.

問題係，當有咁多問題果陣，可以點呢？耶教徒相信，社會同身體問題係次要，最重要係解決人心靈既問題. 因為聖經話，”我肉體同心腸衰敗，但神是我心裡的力量，令我內心一天新似一天” (詩73:26，林後4:16)

我會話，社會，身體問題同心靈問題同樣重要. 作為仔女，父母對我地養育之恩，做仔女即使難以用如此大愛去回報親恩，也會盡所能，關心照顧，盼望他們年紀大了，仍然健康幸福及有尊嚴地生活，安享晚年.

至於，種種社會問題，我唔係專家，在面對上述困局，我唔知點解決，所以我還是會覺得解決心靈問題，係比較可行務實又可以立刻嘗試應用和安排的. (當然，你可以笑我係耶教徒. 我係喎！)

年紀大左係咪越來越冇用？

小時侯，爹地成日笑我蠢，學極都唔識，做極都唔好.

佢好多野學一次甚至，睇人做一次就學識，做幾次就掌握秘訣，就做得比人惦.

依家佢年紀大了，常說自己學極都唔識，做極都唔好

媽咪以前成日話人人讚佢記性好，但依家成日話乜野都記唔到，人又論盡.

細個佢地帶我去旅行，要我自己行，唔肯抱我，事後又會話我膠水癡腳根，郁兩步就扭計要休息，仲成日扑低撞到周身瘀.

依家我帶佢地去旅行，佢地慢慢行我都要睇住扶住，怕佢地跌親.

人越老，越不中用，恐怕不止是社會對長者又愛又”恨”的意式形態. 也許不少老人家內心，也覺得自己大不如前，好冇用，係仔女既負累

去年讀 Jared Diamond 的新書 The world until yesterday, 對老人問題有新既體會.

作者在 Ted Talk (& 新書會)分享他對長者如何自強的心得，想知多尐可以去片.

下篇再同大家分享我既體會同父母一起實踐的兩三事.