倚天

塵世間一介無聊小傳道。

訓練與經歷——睇「盧根」後感2/6

Natalia Tena Attends 'The Refugees' Filming In Madrid

睇到蘿拉食飯唔知要用叉,去便利店唔知攞嘢要畀錢(無買賣概念),唔識同人溝通,但佢識殺人,快、狠、準。簡單講,即係對一個細路女嚟講,應該識嘅佢唔識,但就識埋啲唔需要識嘅嘢,仲好叻添。

點解會咁呢?因為喺佢出生之後,只有異能同戰鬥嘅知識、技能訓練,但就無咗應該有嘅生活經驗,因為蘿拉同一班細路,只係Transigen計劃「製造」嘅一件賺錢工具,製造者根本無當佢哋係人。所以童年唔重要、回憶唔重要、呢一刻嘅經歷、感受、生活常識、人際關係通通都唔重要,唯一重要係將來賺到錢。

logan03

睇住蘿拉,我覺得佢好可愛,但同時好可怕,亦好可憐。本來食薯片、飲汽水、睇電視呢啲簡單嘅生活,有大人陪住,一路講解,講下做人道理,分享人生經驗,教佢點食飯、點欣賞一齣戲、點同人相處,但喺咁多年嚟,唔好講呢啲,蘿拉甚至未見過大自然、未行過商場、未經驗過、學習過一個細路應該有嘅嘢。但就被訓練成為好值錢、好能夠賺錢嘅工具。因為一開始,佢嘅存在就係為咗將來賺錢。但一個人的成長,真係需要咁諗?我只知製造佢嘅公司,Transigen呢個計劃係咁打算。

睇完,我個心好寒,覺得四週圍都係蘿拉嘅同伴。雖然佢哋唔係變種人,無超能力,唔係殺人工具。但同樣,佢哋都係應該識嘅唔識,但就識啲唔需要嘅嘢,仲被訓練到好叻添。唔識自己食飯、換衫、著鞋、無乜睇過電視,但一出世就被訓練,學幾國語言、幾種樂器、仲有體育、藝術、科學……到五、六年級已經有好多搵食技能,但可能唔識用八達通,或者唔知坐車無咗八達通可以買飛;需要接受長時間訓練,但無機會拖住爸爸逛公園、商場。點解會咁?因為識多啲嘢,將來可以賺多啲錢。

原來Transigen唔係虛構,好多細路仲喺呢個計劃入面,被逼放棄童年經歷,為將來賺錢接受訓練。肯犧牲自己去救佢哋嘅人又喺邊?

留下回應

贊助連結
陳韋安洪麗芳 寫給你心中尚未崩壞的地方

 

 

精選文章