關懷貧窮學校

在生命裡做教育,從教育中看生命 ;
進生活裡學關懷,在關懷中學生活 ;
見貧乏中思信仰,從服侍中學做人。

街坊心聲 – 社區老師根叔

福利事務委員會及食物安全及環境衞生事務委員會

「露宿者政策及相關支援服務與行動措施意見書」

貧校社區老師張木根先生發表:

94年4月我喺赤柱出嚟之後感到好徬徨,我地自己都好想靠自己搵嘢做吾想靠政府申請綜援,亦冇攞咩津貼,但係搵嘢做都冇人請,可能因為介意我係更新人士同訓街嘅,都對我地有歧視。各位官員,我訓街訓左23年啦,一個話長吾長,話短吾短,有段時間我都有租過二千三百零蚊嘅劏房住,但係因為太多木蝨頂吾順,最後都係要訓番街。以下我有兩樣嘢想向大家反映下嘅:

  1. 其實每一個露宿者都想有個空間瓦摭頭,所以會搭下啲木板療棚就係想訓得好啲,但食環署同路政署就處處都留難我地,本身我地都有財物嘅,有時突擊嚟驅趕我地沒收埋我地嘅財物,好似我搭左個療棚,但係俾你地話我阻街,於是乎我整左架有轆嘅床俾自己,你地趕我嗰陣時我就配合你地執法就移去第二到,本來我喺球場邊訓,因俾人投訴,所以要移去另一邊。我想問下點解你地好多時都係收到人投訴先至去執法驅趕我地呢?既然你地都吾容許我地存在喺條街到,咁平日冇收到投訴理應都要趕走我地架,咁又係吾係選擇性執法呢?
    各位官員,可吾可以俾一條生路我地行呢?可吾可以喺需要執法之前同我地一班無家者有多啲良好嘅溝通,同埋預早通知我地,等我地吾駛咁徬徨,有所準備配合你地嘅執法呢?
  2. 希望政府諗倒一個完善嘅辦法能夠處理安置我地嘅問題,其實呢樣嘢真係好重要,露宿者嘅數目吾係話太多,有冇可能盡快處理呢?雖然有啲機構係會提供宿位俾無家者,但係大部分都有時間限制,好多時離開左宿舍之後又係要喺番條街訓,究竟你地當吾當我地係人呢,定係當我地係物件呢,若果你地當我地係人,人係有尊嚴同權利嘅,可吾可以正視安置我地呢個問題呢?

留下回應

贊助連結
marksir 聖經考古

 

 

精選文章