關懷貧窮學校

在生命裡做教育,從教育中看生命 ;
進生活裡學關懷,在關懷中學生活 ;
見貧乏中思信仰,從服侍中學做人。

華記巴庫豬

今晚同清潔工友食左一餐好有心度同深度嘅開年飯,港嘢帶我地遊走喺本土食材嘅佳餚當中,諗下食材同生活嘅連結,好記得kityan 同一鳴講嗰盆華記巴庫叉燒嘅由來,話說有位大好青年走去外國讀書,學點樣養豬,番到香港買好多吾同嘅豬嚟研究,睇下邊隻豬啱香港人食,如果俾我以前我會覺得呢個人傻嘅,豬之嘛,駛吾駛咁講究呀! 求其啦吾該。不過聽番佢地講,點樣整好啲叉燒都有一番學問,我感到呢個整叉燒嘅師傅對食物及食落肚有一份尊重同顧惜,我地嘅人生,係吾係應該識得咁樣去睇見同體會呢?

IMAG3674

對食材嘅尊重,對生活嘅尊重,對自己嘅尊重,同時引申到對鄰舍對社區嘅尊重,生命其實就係喺微細處開始,一點一滴嘅累積經驗同思想,轉化成為我地嘅態度同志向,有時會覺得,人類嘅靈性真係好重要,探求生命嘅意義,咀嚼當中嘅真摯,才能感受生命嘅實在。

IMAG3679_1

呢嚿叉燒,我左好耐,除左好食之餘,我仲咀嚼緊師傅對佢專注嘅嘢一份難以言喻嘅熱誠,回味港嘢不斷尋覓有意義有生命食材嘅呢份衝勁,實在好值得我地呢班匆匆忙忙嘅城市人停落嚟慢慢品嚐…

留下回應

贊助連結
龔立人 - 在暗角言說上主

 

 

精選文章