關懷貧窮學校

在生命裡做教育,從教育中看生命 ;
進生活裡學關懷,在關懷中學生活 ;
見貧乏中思信仰,從服侍中學做人。

甘仔四十年的人權路

-100%+

今日帶左班同學仔去認識甘神父(俗稱:甘仔),聆聽佢喺人權爭取嘅心路歷程,由七十年代嚟到香港,遇到無家者群體、艇戶、新移民居港權等基層群體,神父都冇放棄過為佢地爭取權益,喺協助街坊上樓嘅過程,佢見倒街坊好多時都係只顧自己嘅益處,好多時幫左部分街坊之後,因為仲有好多街坊仍然有上樓嘅需要,但係好多時佢地都吾會番轉頭幫其他人爭取,甘神父覺得注重自己嘅權利係重要嘅,不過吾可以咁自私,需要幫番一啲同一樣被欺壓嘅鄰舍,咁嘅人生先至係成功,只顧自己利益嘅係失敗嘅人生。當然,又未必係要咁二元嘅,但係出發點都係希望有人願意去思想人與人之間嘅關係。

神父又講到,房屋同居住權嘅問題,吾單止係俾個地方街坊住咁簡單,係牽涉到再闊啲嘅層面,包括社會制度嘅設計,階級定位,城市規劃等等結構性嘅問題,需要整體性去正視同面對,佢又分享到,佢吾認同一國兩制,一國點解要有兩制呢?喺當中已經係分左等級同層次,吾應該係香港嘅制度管治呢個地方,亦吾應該係中國嘅制度可以救香港,而係我地需有一個統一嘅新制度,將兩個地方好嘅元素擺埋一齊嚟融合同平衡,將吾好嘅嘢拎出嚟檢討同修正,咁樣先至係為國家好,為香港好。

神父最後講到派飯盒俾無家者吾係吾好,無所謂嘅,不過就吾好講咁多道理同傳福音,又要迫人聽完先俾人走呀咁(呢個睇法竟然出自神父口中,十分意外!),問題係派完要諗下咁佢地會點呢?係吾係咁樣就足夠呢?係派嗰個人覺得足夠呀定個街坊你派左個飯盒之後就係幫倒佢呢?需要認真諗咩係最可以幫倒街坊,俾佢有能力去知道自己嘅需要同權利都係好重要嘅。無家者群體嘅根源係嚟自社會嘅制度,過度發展同城市化令部分弱勢群體無法適應同追吾上,施政者除了注重鞏固現況但仍需要顧念基層嘅需要。

幫人吾係我喺上面嘅位置嚟幫一啲能力比自己低嘅人,耶穌嘅復活都吾會同啲門徒講:「你睇我幫左你地啦,我復活左啦!」,而係陪啲門徒一齊行條路,可能「同行」先至係耶穌想我地做嘅嘢。

本文簡短連結 http://faith100.org/0QyqI

留下回應

贊助連結
鄒永恒:教、學、人生

 

 

精選文章