Abc

年少時愛理科,閒來打幾手橋牌,長大後愛文科,閒來看幾套電影;
本想專攻神學歷史,後來鑽進聖經研究;
一直不變的是對政治的關懷及在教會的參與。

無邊的黃v.s.黑框的白

黃黑白箭頭

雨傘運動發展至今變得很複雜,帶來很大爭議,這從小學生身上也可得見。以下是我兩名分別就讀小二與小五的子女一段相關對話,希望它可以在現時緊張局勢中,為大家帶來一點輕鬆:
女:我覺得哩次運動有好有唔好。
爸:點解?
女:啲人佔用馬路好似唔係咁好,因為阻住人,點解唔佔公園或者其他地方?
[爸心諗:佔公園?咁熟嘅,佢係邊到學返嚟?]
那時,兒子插嘴說
子:家姐,你錯喇,就係因為政府唔聽人講,所以啲人先至要去佔馬路,佢哋係爭取真普選,總之梁振英要下台。
[爸心諗:將啲概念炒埋一碟,佢明唔明自己講乜?試吓佢先。]
爸:但係,佢哋阻住人喎。
子:都唔係好阻啫,我認為無問題。
[爸心諗:睇你都係答唔到落去,不如轉話題。]
爸:梁振英話有普選,人人都可選特首。
女:唓﹗呃人嘅,都唔係真係有得揀。
[爸心諗:唉﹗連細路女都知]
爸:咁,你哋會唔會去參與抗議?
女:唔去,我怕比人打。
子:我唔怕喎。
爸爸為兒子滴汗
我與太太沒有特別給他們上政治課,他們在家一同接收相同的資訊,但各自觀點都可以有明顯分別。這分歧或許跟性格有關,女兒愛守規矩,也敢於當面指出同學犯規,我以她這勇敢正直為傲。兒子愛創作畫畫,這氣質的人不重視規範,我也羨慕他勇於突破。我見他們心平氣和地討論,便感到安慰與感恩。
其實,成人世界跟小孩世界是否有很大差異?或兩個世界應否有很大的差異?

(圖片說明:兒子明顯是沒有邊界的黃,女兒不是藍,也非綠,她不過是一個黑白分明有清晰框架的人。)

 

留下回應

贊助連結
marksir 聖經考古

 

 

精選文章