關懷貧窮學校

在生命裡做教育,從教育中看生命 ;
進生活裡學關懷,在關懷中學生活 ;
見貧乏中思信仰,從服侍中學做人。

每天也是受難節

琴日拎衫去隔離街洗衣鋪洗,遇到負責呢幾條街範圍清潔嘅戚大姐。

「輝仔,今日休息唔駛返工?」
『係呀!所以有時間咪拎啲衫去洗囉。』
「係嘅,我哋呢啲房仔連洗衣機都冇位擺,不過我就自己洗衫,吓吓拎出去洗真係好貴…..」
『我冇計啦!間房都冇窗,洗咗都唔知幾時乾…..』
「點解你唔租間有窗嘅?不過有窗啲租又唔係咁計啦!」

再問吓佢地有關假期嘅福利,原來做外判清潔工唔好話放復活節假,甚至有時連勞工假都冇得放齊,好似聖誕、元旦、農曆新年、佛誕同重陽都冇得放。戚大姐話唔好講呢啲節日假期,就算佢地最基本一個月四日嘅例假都放唔到,因為佢地呢行長期欠缺人手,好多時班工友都迫住冇得休息放假,繼續開工,不停係呢個外判制度中奴役….

講到呢度,好多時好似戚大姐面對同樣處境嘅工友,佢地就會話知道自己呢班低下階層喺社會冇學識又冇文化,做得呢啲叫做乞兒工作就預咗有咁嘅待遇。我試過同基層工友講,復活節點解有咁多日假期,因為係記念耶穌受難,佢為我地釘十架,三日後復活,俾我地生命有活的盼望。
點知嗰工友同我講:
「我地呢班窮人就真係日日都係受難節喇!你地聖誕又乜嘢復活節就有得放假,我地手停就口停呀!」

由耶穌降世,道成肉身,到最後被出賣、受辱,被釘上十架,除了成就救贖,祂在地上的一生還成就了什麼?
而作為信徒,我們除了藉着耶穌的捨己,復活的憑證,因而可以上天堂之外,還能作什麼?當耶穌口中說,貧窮人得好消息,被擄的得釋放,瞎眼的得看見,被壓迫的得自由,而上主的恩賜得著頌揚時,對我們信徒又代表着什麼意思呢?
再回想自己生命在地上所追求的價值觀時,耶穌又值得為我自己捨命而死嗎?

主啊!多謝祢跟我們說話。我實在渴想袮醫治我受傷的心,好叫它從那裏伸向遠遠近近的人。我知道你也呼喚:「到我這裏來吧,凡勞苦擔重擔的人,都會得着安息。」正當祢繼續在歷史中受苦、死亡和復活時,請給我們盼望、勇毅和信心,好讓祢的心,把我們的心跟祢所有受苦子民的心聯合起來,而成為對方聆聽、同行與盼望的源頭。

趙日輝

留下回應

贊助連結
鄒永恒:教、學、人生

 

 

精選文章