倚天

塵世間一介無聊小傳道。

最後嘅伊甸——睇「盧根」後感6/6

發現自己搵緊嘅地址,原來係漫畫虛構內容,除咗嘲笑自己低能仔,當然係回頭是岸,盧根嘅反應好正常。但除咗殺人乜都唔識嘅蘿拉就非常堅持,一定要去,因為對佢嚟講,除咗跟住個地址去,無其他方法可以搵返佢失散嘅同伴,即使個地址唔存。

對盧根嚟講,繼續行只係因為扭唔過蘿拉,想證明伊甸係虛構,等佢唔使繼續發夢。點知佢自己一覺醒來,竟然置身喺伊甸,幾乎就同漫畫裡面一樣。虛構成為現實,難以置信。明明係班細路同護士發緊夢,但喺呢一刻竟然真係出現喺眼前。

盧根錯咗?無,伊甸本身真係唔存在,但呢班細路一齊跟住個地址去,去到嗰度,就建立起自己嘅伊甸。雖然最後,佢哋唔能夠長久停留喺呢個地方,但呢個真係佢哋搵返同路人,得到支援、得到拯救的地方。結局,他們亦成功逃出魔爪,去到安全嘅新天地。

喺無奈、殘酷嘅世界,靠住單純嘅信心,勇往直前,搵到同伴、得到拯救,即使生於一個唔當自己係人嘅地方,最後可以感受到人間有情,得到生命嘅保障,可以對將來再有希望。其實地點喺邊唔重要,重要嘅係呢個群體,呢班同伴,同佢哋嘅將來,佢哋聚集就係伊甸。

其實,係咪講緊教會?

留下回應

贊助連結
marksir 聖經考古

 

 

精選文章