倚天

塵世間一介無聊小傳道。

拖手——睇「盧根」後感1/6

一齣兩個幾鐘嘅戲,睇完印象最深係四幕拖手鏡頭。

第一幕係盧根帶住查爾斯(X博士)同蘿拉任到酒店商場,蘿拉望住一大一小試衫模型拖住手。或者,蘿拉係諗:「大人會拖住細路咩?嗰種感覺係點?」我當時諗,盧根幾時會拖住蘿拉隻手呢?

第二幕查爾斯喺輪椅上,拖住蘿拉行。

第三幕係查爾斯死後,盧根傷心、憤怒、後悔等等悲痛交雜,蘿拖去拖住佢,想安慰佢,盧根用力甩開佢。

第四幕係盧根臨死前,蘿拉終於拖住手同盧根傾計,四目交投,盧根講咗句(大意係):「原來就係呢種感覺。」然後含笑而終。

蘿拉終於體會到拖住爸爸嘅感覺,盧根亦明白拖住女兒嘅心情,第一次,亦係最後一次。知道拖住手嘅感覺有幾美好,可惜以後再無機會,唔想放手,又唔能夠唔放,將來留底喺蘿拉記憶中,係兩父女短短連繫嘅甜蜜同滿足,定係依依不捨嘅傷痛同無奈呢?

比起盧根,我能夠常常拖住自己仔女,係幸運嘅。但我無盧根嘅力量,有危險,我未必有力保護佢哋,雖然都無Transigen追捕我哋,但喺無常、不受控制嘅生命中,無人知幾時係最後一次拖手。

留下回應

贊助連結
marksir 聖經考古

 

 

精選文章