Bilibala

Billy 一個喜歡每日多讀一點聖經, 神學未有耐畢業的讀經人,喪食"雜糧"的書蟲,自成一格的詞人 + 口水佬.
身在加拿大多倫多,自以為炒股勁過不少財經演員的投資人,日頭兼職做會計師, 為某銀行的國際業務做分析.

復活節後的門徒乜乜乜

原刊於Bilibala blog,2015年4月22日

陳到兄話,祝人復活節快樂仲衰過講粗口,拜讀過後,可能我個人比較衰,即時會諗:

  1. 我最想祝邊個復活節快樂呢?
  2. 有邊個聽完篇道會好想祝陳到復活節快樂呢?
  3. 仲有乜野衰過祝人復活節快樂呢?

估唔到轉眼間復活節已經快快樂樂咁成為半個月前的矇矓記憶.
你果日做過乜,記得幾多呢?
會唔會只依稀記得果日崇拜篇經文出自乜乜福音書.
至於領詩帶了什么詩歌,午飯同什么人吃了什么,幾時躺下,幾時起來,都不知道,因為早已忘得一乾二淨.
如果惡習同污穢的心可以洗得咁徹底有多好呢?

原來這就是我們集體回憶的復活節鳥.
那日之前,我地返工,放工,飯聚,鳩嗚,事工很忙.
那日以後,我地返工,放工,飯聚,鳩嗚,事工很忙.

假如我們是活在第一世紀的第一個復活節,在耶路撒冷或加利利地,是其中一位跟從主,但名不見經傳的門徒乜乜乜,復活節果日點過同樣唔記得了,又或者只記得

  • 受苦節那日死老豆咁樣,
  • 復活節果日仲係一舊雲,食矇左咁樣.

可是復活節之後點過,肯定還歷歷在目,記憶猶新.

  • 門徒乜乜乜 A (同馬利亞) 正在千里孤墓無處話悽涼果刻,遇見主.
  • 乜乜乜 B (同革流巴) 去完耶路撒冷,返老家途中遇見主.
  • 乜乜乜 C (同十個門徒) 躲在家中飯聚,食食下乜乜乜整餅,遇見主.
  • 乜乜乜 D (同彼得) 去海裡打漁,正在發愁,問,”點解冇斬獲?咁通乜都俾班大鱷吃光?” 遇見主.
  • 乜乜乜 E (同另外500位乜乜乜) 遇見主,聽主講論,見主升天.
  • 此外還有無數乜乜乜,乜都見唔到,冇遇見主,單純地”道聽途說”,就信鳥.

呢班乜乜乜,有遇見主的,有的冇遇見主,然而佢地既生命從此不一樣.

  • 有的放下工作,唔怕死咁通處話比人聽主復活左,後來人稱這種行為叫傳福音.
  • 有的恭喜賀喜賣屋賣田又賣地,分俾有需要既人
  • 有的繼續做生意,賣帳棚,賣紫布,收下稅,各行各業乜都有,但開放屋企,攪家聚,收留有需要既人揾兩餐,十卜(支持)果尐傳福音既乜乜乜.

每個門徒乜乜乜都好似判若兩人咁,從此甘心樂意(即使未必幸福快樂)走上一條不歸的十架路,佢地唔係返唔到轉頭,而係冇諗過返轉頭.
就好似用左 smart phone (加數據),返唔到轉頭用龜殼機/水壺機
追過美劇,就算睇返 tvb(除左大時代)會唔開胃,甚至反胃咁.

呢個係復活既生命.

empty_tomb

我奇怪點解我地同呢班門徒乜乜乜反應咁唔同.

我地第二日就打回原型,過著跟不信主既家人/朋友/同事同學….完全冇分別既生活. 除左:

  • 周日堅拒同屋企人飲茶或瞓雁尐,而選擇返教會打發一個上午,
  • 別人進修/教仔/做運動/做義工/捕住個金魚缸/耍樂/瞓覺既時間,留在教會做那些比”愛”更加永不止息的事奉.
  • 別人跟親朋飯聚或獨自去鳩嗚果陣,我地選擇同一班唔見得好熟但被叫做弟兄姊妹既分享人人一樣的生活事項: 工作忙,身邊的生老病死,事工忙,同某某關係差….(唔溝又點通?但你都唔夠時間溝,講乜姐)

除此以外,有乜分別我真係唔知.

有趣既係:
我地照樣遇見主.
我地每一日都慶幸同感恩,
每日讚美主信實無變.
因著信,神與我同在,每天保守引牽. So sweet, my Lord Jesus, my baby. 就算生活遇到乜乜乜挫折,唔緊要,呢尐係試煉,我地仍然經歷到主. Amen!

點解有班人遇見主,乜都變晒
又有一班人乜都冇變,仍能遇見主呢?
我懷疑呢個世界,有兩個主,又或者主有至少兩種形態,讓人遇見.
一個是叫人得生命不怕死的復活主,而另一個是生活賜恩的主.

我們所遇見究竟係咪同一個主呢?如果俾你揀,你想遇見那一位呢?
當然係生活賜恩的主,乜都唔洗變,只要不停止聚會,就有祝福,多爽!

images

近年流行一個嘲笑基督徒祈禱的笑話: 得著 -> 神大能,得不著 -> 神試煉,這個無敵自圓其說論,就是我們對這個生活賜恩的主經常掛在嘴裡的見証分享.

面對不信主的”無賴”取笑,我們當然要站起來護教,但我們內心深處其實非常害怕去問清楚:

  1. 那個生活賜恩的”主”究竟係咪復活主呢?
  2. 如果唔係,咁點經歷復活既主?

我們內心深處其實非常害怕去問清楚, 我地信仰立時迷失同破產.

回到聖經,我發現兩件事:

1. 神生活的祝福和咒詛,有至少一大半係賜給所有人. ie

  • 日頭照好人也照歹人
  • 春雨,秋雨,死亡臨到世上所有人 (所以689遲早會死,我大膽預言).

所以,那個祈禱輪迴說冇錯,問題係佢同樣可應用在未信 + 冇祈禱之人身上.
你若蒙神祝福有份好工,最近港交所賺到一桶金么?
在世上亦有不知多少人有份更好既工,在 A 股/乜乜乜估上賺了更多.
你遇上生老病死,全世界都遇上.
就連主耶穌釘十架犧牲,也是為世人而不是為你一個.
在生活裡,你沒有比人更特別地更蒙恩的地方,因為神不偏待人.

2. 世上有誰遇見復活主次數最多呢?

  • 司提反臨死見過一次,
  • 保羅在大馬色路上和哥林多見過兩次,計埋三層天頂多三次.
  • 彼得在空墓見不到,在屋裡遇過兩次,打漁再見一次,再加四十日講論,升天前再多一次,是四到四十次.
  • 約翰年老在扙摩島遇見主,所以比彼得見多一次,至叻係佢. 不過相傳彼得被殺之前想著草離開羅馬城,在路上遇見主.

但點計都好,史上最強既最多見過復活主四十一次.

meet jesus

我地依家開口埋口連唱歌仔都會”遇見神”,係我地勁個十二使徒,還是我們所遇見的根本不是復活主呢?
點先經歷到復活主呢?
或者我地由一開始,一直都問錯問題. 好比江仁佑牧師(福音派天真的释经观(五):回到教会历史去) 一文所講,將聖經中一些特殊,可能只此一次,只此一人的經歷對號入座, 看作慣例,將不該 personalize 既事件 personalized,令我們將一切都弄糊塗鳥!

其實,大使命咪講左,當主所吩咐一切的, 你都遵守,又教訓人遵守,並奉父,子,聖靈之名給人施洗. 主就常與我們同在嘛!

今日主活著. 主活著係唔需要透過遇見,感覺,祝福才找到.
當你願意聆聽,遵行,跟從和教導別人,就憑信心相信主仍然活著,不是歌仔話”主正仍然活心裡”,而是主仍然活著.

於是當你生活上遇到全世界都經歷既乜乜乜果陣,最該問既,唔係”主啊!你去左邊?”,亦唔係”全世界也安靜,為要聽我見証”
而係好似只見過主兩次咁大把既保羅問,”主啊! 我當作什么?”
係呢個處境中,點樣繼續聆聽,遵行,跟從和教導別人?

有時冇即時答案
有時會多做多錯

但經過好多年之後,你會明白
乜野叫”靠著那加給我力量的,我凡事都能作”,
乜野叫”我知道怎樣處卑賤,怎樣處豐富”,
乜野叫”應當一無掛慮,只要凡事籍著禱告,祈求和感謝”?

誰說禱告係無限 loop?
那稱為萬百禱告的殿(主),係邊個令佢成為賊窩?
主耶穌話,人拆毀了殿,佢三日(即透過復活)就能重建起來.
我想復活既大能,假如肯相信,就算多年禱告無限 loop既耶青亦可以被推倒重來.

假如肯相信…..
冇左每日既”主愛”,仍然經歷到主既一切.

Bilibala devotion - Journey to Calvary series 系列
  1. Devotion 14 lent #01 捨棄 vs 捨得 馬太福音 c16b
  2. Devotion 14 lent #02 讓愛與和平... 馬太福音 c21a
  3. Devotion 14 lent #3 點解咁捨得浪費 約翰福音 c12a
  4. Devotion 14 lent #4 騎驢的主 路加福音 c19c
  5. Devotion 14 lent #5 耶穌當邊個係無花果樹要咒死佢? 馬可福音 c11b
  6. Devotion 14 lent #6 邊個衰仔乖d 馬太福音 c21d
  7. Devotion 14 lent #7 暗戰葡萄園 路加福音 c19c
  8. Devotion 14 lent #8 誰會接阿水的紅色炸彈 馬太福音 c22a
  9. Devotion 14 lent #9 誰是受責的得國咸豬手 路加福音 c19b
  10. Devotion 14 lent #10 最大誡命,我都做得到 馬太福音 c22e
  11. Devotion 14 lent #11 教會領袖的七宗罪 馬太福音 c23
  12. Devotion 14 lent #12 把養生都奉上背後的詭異 馬可福音 c12c
  13. Devotion 14 lent #13 非常殿宇 馬可福音 c13a
  14. Devotion 14 lent #14 未世的足印 馬可福音 c13b
  15. Devotion 14 lent #15 ALERT but what 馬可福音 c13c
  16. Devotion 2014 lent #16 儍女 馬太福音 c25a
  17. Devotion 2014 lent #17 狼人似的僕人 馬太福音 c25b
  18. Devotion 14 lent #18 分分中鬼要你 馬太福音 c25c
  19. Devotion 14 lent #19 膏 告 lets go 馬太福音 c26a
  20. Devotion 14 lent #20 誰賣主對話之詭異性 馬太福音 c26b
  21. Devotion 14 lent #21 洗腳 約翰福音 c13a
  22. Devotion 14 lent #22 滿招損的聖餐 哥林多前書 c11b
  23. Devotion 14 lent #23 心思思想賣主 約翰福音 c13
  24. Devotion 14 lent #24 你已經遠去我又可靠著誰 約翰福音 c14
  25. Devotion 14 lent #25 要不多結果子要不就係廢柴 約翰福音 c15a
  26. Devotion 14 lent #26 愛與恨的跟隨 約翰福音 c15b
  27. Devotion 14 lent #27 不平安喜樂 那為何要信 約翰福音 c16
  28. Devotion 14 lent day 28 夠 兩把刀 路加福音 c22c
  29. Devotion 14 lent #29 from Passover to Pass it on 約翰福音 c17
  30. Devotion 14 lent #30 唔好我話事 聽晒你話 馬太福音 c26c
  31. Devotion 14 lent #31 吞拿行動 約翰福音 c18a
  32. Devotion 14 lent #32 The phantom of the Churchers 馬可福音 c14c
  33. Devotion 14 lent #33 不認主 路加福音 c22d
  34. Devotion 14 lent #34 耶穌必要的沉默 約翰福音 c18b
  35. Devotion 14 lent #35 真的愛理? 約翰福音 c19a
  36. Devotion 14 lent #36 以利以利....我的神我的神你為何食花生? 馬太福音 c27c-28
  37. Devotion 14 lent #37 總要哭於你面前 路加福音 c23c
  38. Devotion 14 lent #38 你是王 約翰福音 c19b
  39. Devotion 14 lent #39 十架路與十字路 約翰福音 c19c
  40. Devotion 14 lent #40 離地的福氣? 約翰福音 c20
  41. Bilibala bible 以馬忤斯路上你睇我唔到?
  42. 復活節後的門徒乜乜乜

留下回應

贊助連結
marksir 聖經考古

 

 

精選文章