Pakkin Leung

Pakkin。《Breakazine!》前總編輯,blogger。入行做編輯時,仍是用rubber cement貼稿的年代。歷任書籍編輯、網站監製、雜誌編輯等職務。愛看書,愛攝影,愛動漫。

唔好當十幾歲係小朋友

原刊於Medium,2017年11月10日

昨天講起青少年崇拜的講道,說我不會把內容信息變成兒童故事,而是會直講。其實我不止對教會的年輕人這樣,對其他十幾歲的也是一樣。

話說,上年在香港書展當值,有兩個中學生妹妹結伴來買Breakazine,其中一個一手就拎起《安息指南》。

「識貨喎~~」我說。

「你蒞過我學校講talk啦。」拎住《安息指南》的妹妹說,「係朝早8點吖嘛。」

佢一講「8點」我就記起係邊一間,因為噉早嘅talk,我通常都好緊張,好驚遲到,所以一般都好記得。

「你嗰日講瞓覺,」同學妹妹續說:「好深刻,所以我考慮緊通識科的IES也做這個題目。」

「啊,多謝你呀。」那次我用點解研究已發現青少年階段要瞓多些,明知一清早8點不適宜上課,但大家睜大眼魂遊都仍然要返學坐定定,藉此解釋什麼是結構性的罪惡(structural sin)。同學的回應說明她是聽得明,我真係衷心感激,「我仲以為講得唔好,搞到你哋瞓晒添。」

「唔係呀,都有好多人留心聽。要瞓嘅點都會瞓,我好中意聽啦。」同學妹妹繼續鼓勵我:「學校成日都搵人蒞講性教育,個個瞓晒,有啲同學就會借尐易祟出去廁所傾偈啦。」

「你不如去我學校講吖。」同學妹妹的朋友起哄說,「我讀另一間嘅。」

「嘩,多謝賞面啊。你同老師商量下再打電話畀我哋啦,歡迎呀。」

這真是那年書展給我的一個大獎。

就像昨天提到的講道,時不時都有老師或導師事後會同我講,你講得好好,但學生會覺得深,你下次不如講淺少少。但有次我去學校講講座,真係試下講表面一點,跟住又有老師同我講覺得唔夠深入,之後自然無晒下文。所以後來我都唔係好理,想講咩就講咩。

曾聽說過,100年前的世界,係無青少年這個觀念的。12、13歲左右,就當係成人,要做嘢搵錢養家,生得仔做得人阿爸阿媽。或者有人會覺得,以前落後吖嘛,時代進步,不要退回從前。是的,但我真正在想的是,為什麼今天社會有些人會當16歲還未懂照顧自己、當30歲人都未可以擔大旗?

兩位妹妹這番說話,印證我一個信念:唔好當後生仔女係細路。你當佢大人,佢就用大人一面來應對你;你淨係當人係細路,不單牢固了雙方不平等的關係,也給自己設下奴役他人的權力誘惑,亦剝奪他們為自己人生負責的機會。

Pakkin
https://medium.com/@pakkinl2

留下回應

贊助連結
陳韋安洪麗芳 寫給你心中尚未崩壞的地方

 

 

精選文章