公義吾係分配嘅問題!
最近喺落區嘅時候,同識開嘅清潔工友傾開,之前工友追討索償欠薪嘅事,上星期街坊經勞工處嘗試以調解方式約見有關外判清潔公司會面,但資方當天卻缺席現身,並只透過電話回覆,決定解僱街坊嘅係食環署,外判公司並冇話要解僱佢,故只承認負責所欠年假嘅金額,而約二千多元嘅七日代通知金並吾會負責,要求街坊接受此安排。
街坊對於外判公司嘅解釋及理由認為吾合理,下一步將入紙小額薪酬索償仲裁處申請排期,繼續申索追討。而對街坊最大嘅困難,就係又要填表寫文,並要上網到查冊中心搵有關外判清潔公司嘅登記資料,好彩公司查冊嘅資料職工盟清潔服務業職工會組織幹事已幫忙準備好,令到唔識上網嘅街坊可以唔洗咁徬徨。
成件事俾我哋睇到現有外判制度中,最大問題係外判制度吾係將責任轉移,而係令到無人需要承擔責任,外判商同資方互相推卸責任。對公私營機構而言,當外判承辦商出問題,佢地可以置身事外,轉移責任。而外判清潔商更希望乘基層工友吾識嘢,喺申索時又要面對嘅繁複手續同程序,需要涉及頗長嘅時間,而自動選擇中途放棄繼續追討,由於佢地喺工作權利當中嘅議價能力比資方低,往往就成為被資方剝削嘅一群。
記得資深神學工作者馮煒文先生講過,普遍信徒會認為應先了解聖經嘅教導,指明基督徒應該點樣做先去行動,但佢並吾同意。佢認為信徒太離地,理應走進人群中,同甘共苦,才知應點樣用行動回應。前輩更認為,公義吾係分配嘅問題,而係交代、問責嘅問題。神係公義嘅神,吾係人人平均分配就係公義,立約雙方皆需要遵守協定先至係公義。可惜,神守約但人吾係每次守約。喺香港,工資低吾一定吾公義,但係仍需要就與勞工合作過程中所產生嘅問題同誤會作出解釋。
趙日輝 – 新福事工協會關懷貧窮學校事工統籌
留下回應
相關文章
精選文章
- 《我是同志基督徒》見證系列前言:相信有愛,就有奇蹟
Sunny Leung
各位朋友大家好!我是來自香港的Sunny Leung,我是一位從2016年開始參與性小眾平權運動的基督徒,因為自己還在主流教會聚會的關係,我希望可以把更多與性小眾相關的議題帶進去教會,因為教會大部分時候對性… 詳閱
- 上主引導往前行:民數記第九章15至23節給教牧同工及神學生的反思
Tony Wong 黃嘉漢
「15 立起帳幕的那日,有雲彩遮蓋帳幕,就是法櫃的帳幕。從晚上到早晨,雲彩在其上,形狀如火。 16 常是這樣,雲彩遮蓋帳幕,夜間形狀如火。 17 雲彩幾時從帳幕收上去,以色列人就幾時起行。雲彩在哪裡停… 詳閱
- 【舊事重題】《無痛失戀》personal identity 的問題 四、
Daniel Tang
兩個南轅北轍的人,由相遇致互生情愫,由愛情變成感情。由感情到被生活瑣事磨損耗乾,再成陌路。這是塵世中再平凡不過的故事。人生活得久了,總會留下不少遺憾。多少失去了的人棘痛着我們的心靈,多少… 詳閱
- 後文字年代竟出現文字敏感的奇景
梁榮光
第37屆香港電影金像獎頒獎禮剛過去星期日落幕,矚目不在於那部電影得獎,而在於幾位得獎者致詞的內容。除了楚原道出人生哲理為人所樂道,另外頒獎的黃秋生和得獎的古天樂,則被視為一巴掌摑在政協兼名… 詳閱
- 消毒.基督教書刊的政治審查
邢福增
在中共統治下,政治審查是日常生活的一部分。 中共建國後,不僅針對未出版書刊作政治審查,更將審查範圍,擴大至已經出版的基督教書刊。1951年,為肅清基督教書刊中的「毒素」,基督教書刊的審查工作全… 詳閱
- 無意義的行政事奉?
Rony Tse
「事奉無分大小,大家都是同心事奉主!」當大家正討論該擔當甚麼事奉崗位時,往往就會有人拋出這句「真理」,彷彿提醒大家不同事奉崗位其實都是一樣,不用分那麼細,最重要是同心事奉神。事實上,這句… 詳閱