關懷貧窮學校

在生命裡做教育,從教育中看生命 ;
進生活裡學關懷,在關懷中學生活 ;
見貧乏中思信仰,從服侍中學做人。

做一個冇個好字嘅撒馬利亞人

今晚平安夜,
橫街愛共聚,窄巷滿佳音,
參與者有八成係第一次參與,因為大部分都係第一次參與,所以理所當然就係吾知行動會做啲咩,我地組去到一個公園到,見到有班小朋友喺到玩,見組員有啲係中學生,應該玩得埋,於是溜佢地玩,結果班boyzreborn 同細路玩左成粒鐘,好開心,係班細路玩班組員玩得好開心。

可能你睇以上嘅文字覺得冇咩特別,都知我地行動成日都係咁樣接觸街坊啦,有咩特別姐,不過我想講,係呀,睇落去好似好簡單,但係其實吾係好多社福機構同教會肯咁樣做,我指嘅吾係剩係佈道嗰隻,而係真係同街坊R吹水嗰隻,大家千祈吾好睇小R吹水呢樣嘢,佢係外展工作同支援街坊,建立社區工作,一樣好重要嘅能力。

當我地同細路嘅親人(在旁看住佢地嘅家長)搭訕,你就會知道比所有扶貧委員會及報告更加詳盡同落地嘅社區狀況,因為街坊就係社區嘅持分者,佢地最能一手知道貧窮喺社區嘅肆虐同張牙舞爪,但係,吾係太多人會想做呢啲咁冇果效嘅嘢,而我地點解又要叫人去做呢?就係因為呢種同社區連結,令教徒同參與者可以做番一個有血有肉嘅人,呼吸社區氣息,學習教會同社區共存同行嘅操練。行動吾會即時為你帶來大量決志信主嘅人,但係會令你教會群體成為街坊嘅窩心,成為佢地美麗嘅回憶,成為佢地相信自己仍存在於社區和群體嘅盼望。

Boyzreborn同嗰幾位玩嘅細路,正正就係和家人住喺嗰啲吾到八十呎嘅劏房,亦係成日俾港人排斥嘅內地家庭,佢地面對嘅吾容易吾係我地走去關心一兩句就可以冇嘢,而係需要整個群體對寄居,對他者有更多嘅接納,當然呢個係需要一個漫長嘅時間去改變。

細路點解同幾位靚仔玩得咁癲,家長話係因為平時冇乜人同佢地玩,而且細路女仲識教番班哥仔玩遊戲,學Eddie話,啲遊戲咁簡單先好玩,啱小朋友,俾佢地享受呢份簡單同直接,童年先有快樂時光,我地大人連玩遊戲都要講程序講效果,其實應該玩番呢啲咁簡單咁治癒嘅遊戲先啱。

玩左成粒鐘,認識左街坊,第日落嚟又可以打個招呼再玩過,呢啲就係我地嘅服侍,睇落去簡單,卻係承載住社區嘅種種狀況同連結街坊嘅生命,好撒馬利亞人行動其實吾需要加個好字,做番撒馬利亞人咪知人與人之間,人與社區之間真實嘅情況。

PS: 臨尾我地走,兩個細路死攬住幾個哥仔吾放,表達一種好鍾意同佢玩同好吾捨得嘅心情,講需要關心需要愛,有好多小朋友都好需要,隨街都有幾個…完

關懷貧窮學校生命教育主任鄧永謙

留下回應

贊助連結
曾思瀚 - 壞鬼比喻馬可福音篇

 

 

精選文章