上帝顯大能 – am730《上街撐家庭》
(本文蒙作者允許轉貼)
518三萬二千逼爆尖咀,呢幾年以為只有強國人先有能力逼爆廣東道,咁你就睇少耶教個種大能大力喇!個一日拖男帶女、扶老攜幼去支 持$6.1家庭倫理。以耶教徒心理,搞咁多野,無非都只係為要係世上作鹽作光,係社會做一個美好見證,向世人宣告天國的價值。不過你要知道,三哥都同我地 講,「媽!為何結果不是我想的那樣?」,世事既野往往唔係你所諗咁完美,小弟當晚捕左係電視機前,由CCTVB到CCATV,再見埋畸寶現在,連 下面條走馬燈都上唔倒呀陰公豬,仲衰過支聯會放六四風箏,難怪林大牧都扯火,直指傳媒滅聲。
拿!但你必須要知道,做得基督徒,一定要對上帝懷著無比既信心先得。就係我地無能為力,以為辛辛苦苦出黎尖咀打個轉既付出石沉大海之際,神奇既事就 發生喇!竟然係五日之後既5月23日,am730既B5頁出現《三萬二千人無懼風下上街撐家庭》,仲要係全版報導,神蹟呀!而最奇妙既地方,就係篇報道仲 要排係「清純性感」既李麗珍,呢舖一定冇得輸,要知道李麗珍情路有幾坎坷,難得有一大班教徒對佢講出家庭係一男一女、一夫一妻、一生一世,直頭係佢既苦海 明燈呀!「518愛爸媽. 愛我家 啟動禮」粉絲頁難得見證神的大能,仲唔拿拿淋叫一眾粉絲Share & Like咩。短短4個鐘,就有超過800個衝住讚好,仲有成百三個share,今舖真係哈利路亞感謝主喇!
不過有D多馬信徒就真係唔生性,佢地橫睇豎睇都覺得呢篇野怪怪地,照道理如果真係報導的話,上面應該會有am730個報頭,奇就奇左愛爸媽竟然係冇頭。
本著對認真探求精神,小弟打去am730詢問一下究竟係報導定還是廣告。今次杰喇,原來係廣告黎,仲以為上帝顯大能添,乜原來係比錢架?枉我仲相信我地真係有人關注我地。點解?點解要用埋D咁世俗既方法?點解!
本身成件事冇人關注已經好慘,而家搞到要自己出錢登廣告呀陰公!仲有呀!乜原來唔係am730報導,咁個D又amen,又感謝主,又經歷神恩典個D信徒豈 不是做左羊牯,豈不是比人搵老襯、比人呃左?咁唔掂喎,作為主辦單位,本住一個肢體受苦所有肢體一同受苦既教導,都好應該澄清一下呢篇原來廣告,起碼知道 呢頁唔係出自神,而係瑪門丫?
不過諗深一層,呢D都只不過係當上一個上帝的好管家既使命姐。你明架,我地係為上帝既國,努力宣揚我地$6.1精神,收收埋埋咁多奉獻好應該用得其 所,登下呢D廣告又有乜所謂。何況唔係個個信徒都係多馬,有好多信徒真係憑藉信,真心我地個活動係可以得到社會認同,就連個D不信主既傳媒都會比我地感 動,佢地會相信傳媒會認為我地係真心為家庭、為下一代,唔係反同站出來。就算係咁,你理得用咩方法丫,好似《挪亞方舟驚世啟示》,你理得條舟係真係假,福 音畢竟被傳開;你理得我係報導定廣告,用咩手法重要咩,最緊要有人睇,天國價值嘛!
518要用埋D咁既手法登廣告、喪點擊去谷人氣,信徒,你明我講咩既!
(如果仍然有人唔信am730 B2頁係廣告的話,不妨致電3408 3730,個職員都幾傾得下)
(至於新報B6,極其量都係一篇訪問,訪問同報導個分別係邊,讀者自己參詳)
留下回應
相關文章
精選文章
- 民主社會主義理念在北美
a_seed
我從小在紅色中國長大,人人都說中國是“社會主義制度”的國家,也就是在1949年,共產黨強行用武裝暴力實現了社會財產重新分配,或叫作“劫富濟貧”。然後共產黨實行的是“無產階級專政”,堅決打擊那些… 詳閱
- 神會安排㗎啦? — 淺談單身男女信徒的生態
編輯同工
[本文蒙作者允許轉載] 筆者於上個月舉辦了一個以相親(Speed dating)為目的的交友會,供同樣以基督教作為信仰的單身者參加,約有30男女出席。 基督教界一直沒有類似開宗明義的活動,偶有寥寥無幾的單身人… 詳閱
- 我的婚姻旅程
胡志偉
感謝神,帶領我與師母於今年進入35年的婚姻旅程,當中有沉悶平淡的歲月,也有刺激考驗的時刻,種種體會只是讓我倆在愛中不斷成長,學習相愛又相爭,相爭又相愛。 倘若婚姻是一趟旅程,我倆走過的路有如… 詳閱
- 兩年半按牧是怎樣發生的?
陳重鈞
前一星期和陳韋安博士茶聚談起教會,他問我對林國璋牧師一事的看法。我只溫柔回答:只對事,不對人。 這件按牧的事也一樣。先利申。 一件事,事緣是背後四件「似乎」的想像。 1. 某間網絡教會努力讓自己… 詳閱
- 去camp不得不chur?
Rony Tse
二○一八的年尾,與往年一樣,以營會作結。出營後,在社交媒體例必看見一篇又一篇的#hashtag「感受文」,但從他們今年的感受分享,或多或少也反映出青年人對營會的印象─「以為一如以往的chur 卻是反其道而… 詳閱
- 讓小孩子到我這裡來(駡出分別為勝的孩子)
Snow 施諾
論到讀書,很多孩子都很棒。牛津、劍橋、耶魯、哈佛只等閑,僱主見慣見熟。那麼孩子如何在職場上分別為勝? 捱駡能力是關鍵之一。 當孩子做錯事的時候,現今的家長和老師,傾向講道理,不會駡。有些家… 詳閱