《耶教能人》

《耶教能人》是一本實體雜誌,結合社交網絡以毒攻毒,用神學荼毒被耶教長期荼毒的信徒。命名為「耶教」,是因為編輯團隊認為耶教與基督教在教義上衝突雖然不大,但耶教教徒「不加思索」的信仰態度,卻足以影響信徒生活見證。所以希望透過文字揭示「耶教」弊病,引導信徒反思。《耶教能人》實體雜誌訂購表格:http://goo.gl/forms/JVdey5VEB3。

【因信稱義一次就得?﹣ 鄧公專訪(三)】

TANG

記者:咁鄧公你點睇「一次得救、永遠得救」呢樣嘢?

鄧公:今時今日呢種理解會容易令教會落入「有稱義、冇成聖」嘅危險當中。事實上,稱義只係起點,信仰生命係一個同上帝關係持續建立嘅動態過程,就好似結婚後唔能夠停止拍拖一樣。我地稱義後唔能夠離開上帝,要恆常讓自己係呢個關係當中,一旦離開關係,就會失落救恩,所以聖經教導不可停止聚會。

上帝設立教會,就係提供一個場所藉著佢嘅話語,同弟兄姐妹彼此提醒我地要進入上帝嘅關係裏面。所以成聖同埋得救需要我地每日都努力。稱義只係起點,成聖卻係一個過程。我地係在基督裡靠著聖靈,去結出聖靈嘅果子。

記者:「有稱義、冇成聖」又有咩唔好先,反正都覺得自己得救啦?
鄧公:如果一次就得救,我地生活會失去見證嘅能力,將信仰變成上天堂嘅入場劵,覺得同此世生活無關,待人接物都會唔同。咁我問,郭氏兄弟係咪基督徒?有無悔改?有無聽教導?所以點解我地咁難同屋企人傳福音,因為中國人係睇你行為。我地需要活出聖靈幫助嘅生命,靠住聖靈重新站立起來。如果教會自身唔認真去講每日都要跟隨基督,教會只淪為我地享樂嘅俱樂部。

記者: 咁一次得救永遠得救又有乜重要?
鄧公:一切都在於信!
其實,提出一次得救永遠得救,正正是要表示只要信靠上帝,只要在信之中,你就無須擔心會失落救恩。當然,信靠是恆常的,跌倒後再站起來再信靠上帝,便不會失落救恩。上帝係基督裡嘅拯救,都係一次完成嘅,但我地要信靠基督,先可領受救恩。如果我地跌倒不信,到最後審判也不回轉,就很有可能滅亡了。希伯來書就有呢個意思,甚至對叛道提出好嚴重嘅警告。

記者:咁今日嘅人應該點講一次得救永遠得救?
鄧公:今日,好多人利用或者誤用一次得救永遠得救嘅講法,以為一次信了,就可以唔再需要持續信靠,同埋唔需要由信生行,冇生命生活嘅表現同見證。大家可以諗諗,係咪上帝想我地咁?好似上面咁講,只要在信之中,你就無須擔心會失落救恩。若果唔信,仲可以講乜?

留下回應

贊助連結
陳韋安洪麗芳 寫給你心中尚未崩壞的地方

 

 

精選文章