《耶教能人》

《耶教能人》是一本實體雜誌,結合社交網絡以毒攻毒,用神學荼毒被耶教長期荼毒的信徒。命名為「耶教」,是因為編輯團隊認為耶教與基督教在教義上衝突雖然不大,但耶教教徒「不加思索」的信仰態度,卻足以影響信徒生活見證。所以希望透過文字揭示「耶教」弊病,引導信徒反思。《耶教能人》實體雜誌訂購表格:http://goo.gl/forms/JVdey5VEB3。

【三一有幾奧秘?﹣鄧公專訪(二)】

TANG2_faith100

記者:博士,仲有咩壞鬼神學係我地信徒比較嚴重呢?
鄧公:我覺得而家敎會同信徒忽視、甚至放棄基督教個核心信仰三一神論。教會冇教導信徒咩係三一信仰,信徒自己又唔主動去思考三一信仰嘅內容。

記者:三一係奧秘,教會好難教到信徒,仲要佢地識思考?
鄧公:如果你用數字去講三一論,以為係一加一加一,你注定會失敗同去向錯誤。因為舊約聖經所論述嘅「獨一的耶和華」、「唯一的神」,唔係講緊數字上嘅一,而係講緊獨特,後期先知發展到union合一、一體,本質上獨一同唯一嘅真神。佢係可以包含超過一嘅群體。呢個亦都係點解新約聖經中使徒可以宣稱主耶穌是獨一嘅真神,聖靈都係獨一嘅真神,父更係獨一嘅真神。因為獨一本質包含多於一嘅觀念,係後期先知中更加明顯。其實三一論係可以講解同埋教導明白的,只係教會和信徒逃避呢啲神學問題。

記者:請鄧公過多幾招畀我地,同埋講解清楚啲,真係好難明!
鄧公:其實最簡單嘅講解三一論係跟聖經嘅記述嚟講:「父藉著子創造世界,並且透過聖靈引導世界邁向完善。聖靈又藉著子把世界歸到父那裏。」呢個就係「經世三一論」。再簡單啲去解就係「上帝外在嘅關係」,即上帝用佢嘅工作啟示佢自己。當我地明咗經世三一,我們就可以從佢外在嘅工作同關係而認識佢內在嘅生命,即係父、子、靈彼此內在嘅關係;我地叫做「內契三一」。

記者:鄧公,經世三一講上帝外在嘅關係同埋佢嘅工作,我諗大家同我自己都可以明白的。但內契三一可唔可以再講解一下呢?
鄧公:其實內契三一即係表示上帝嘅內在存有係永恆三而一。聖子和聖靈在構成上帝嘅存有係同聖父嘅本質上一樣。上帝係持續同埋唔能分開的群體,係彼此之間毫無保留地付出和接受共融互滲互存。彼此永遠朝向他者嘅導向。

記者:嘩!鄧公好似愈講愈有feel喎!其實我想問信徒唔講三一得唔得?如果信徒唔理會同思考三一有咩唔好處呢?
鄧公:咁樣表示我地對信仰唔認真,而且會影響我地嘅禱告生命、敬拜生活…..因為我地唔明白自己要向邊個禱告、向邊個讚美佢嘅創造、救贖同埋保守。我地無理由多謝天父上十架,又多謝聖靈代替我們死呀。就好似我地如果唔明白內契三一,我們又點能明白聖子係點樣辛苦地與永恆共存的聖父分離到地上,甚至死亡與父完全隔絶呢?

鄧公專訪 系列
  1. 【慘變民間宗教﹣鄧公專訪(一)】
  2. 【三一有幾奧秘?﹣鄧公專訪(二)】

留下回應

贊助連結
陳韋安洪麗芳 寫給你心中尚未崩壞的地方

 

 

精選文章